Gavin Slade – Reorganizing Crime, Mafia and Anti-Mafia in Post-Soviet Georgia

1930-იანი წლების საბჭოთა ციხის ბანაკებიდან წარმოშობილი “კანონიერ ქურდებად” ცნობილი კრიმინალები სხვადასხვა ფორმით არსებობენ პოსტ-საბჭოთა ქვეყნებში. ისინი საბჭოთა კავშირის დაშლის შემდეგ მნიშვნელოვან ტრანსნაციონალურ ორგანიზებულ კრიმინალურ ქსელად გადაიქცნენ. საინტერესოა, რომ ეს კრიმინალური საძმო განსაკუთრებით ძლიერი იყო საქართველოს საბჭოთა რესპუბლიკაში, რომელშიც 1990-იან წლებში მათ  კრიმინალური გაერთიანებების მაფიური ქსელი ჩამოაყალიბეს და ეკონომიკის ლეგალურ და არალეგალურ სექტორებში პროტექციის მონოპოლიზებას შეეცადნენ. ამ შეღწევის ხარისხს ადასტურებს 2005 წელს, საქართველოს მოქმედი პრეზიდენტის, მიხეილ სააკაშვილის განცხადება, რომ “გასულ 15 წელში, საქართველო იმართებოდა არა [ყოფილი პრეზიდენტის] შევარდნაძის, არამედ კანონიერი ქურდების მიერ.”

2003 წლის ვარდების რევოლუციის მშვიდობიანი რეჟიმის ცვლილების შემდეგ, საქართველოსთვის პრიორიტეტული გახდა ზოგადად კრიმინალური სამართლის სისტემის რეფორმა. რეფორმის განსაკუთრებული ნაწილი იყო კანონიერ ქურდებზე თავდასხმა, იტალიასა და ამერიკაში მიდგომების მიბაძვით არსებული ანტი-ორგანიზებული დანაშაულის პოლიტიკის გამოყენებით. კანონიერ ქურდებთან ასოციაციის კრიმინალიზაცია, პოლიციისა და ციხეების რადიკალური რეფორმები, განათლებითი ცვლილება, საკამათო დრაკონული და კანონის მიღმა ქმედებები, შეადგენდა ალბათ ნებისმიერ პოსტ-საბჭოთა ქვეყანაში განხორციელებულ ყველაზე მტკიცე ანტი-მაფიურ პოლიტიკას. ხელისუფლებამ პოლიტიკა უზარმაზარ წარმატებად გამოაცხადა და ამით იმედოვნებდა საქართველოს საბჭოთა წარსულისგან დაცილებას.

ინფორმაციის პირველადი წყაროების, მათ შორის პოლიციის ფაილების, სასამართლოს შემთხვევების, არქივებისა და ექსპერტებთან ინტერვიუების გამოყენებით, დანაშაულის რეორგანიზება: მაფია და ანტი-მაფია საქართველოში აღწერს კანონიერი ქურდების სიცოცხლისუნარიანობასა და უეცარ დაღმასვლას. წიგნი იკვლევს ამ ელიტური კრიმინალური სტატუსის მატარებელი წევრების სიძლიერის დონის ცვლილებას და თუ როგორ ეფექტურად დაეცა ეს სიძლიერე 2005 წლის შემდეგ. ამ ნაკლებად ცნობილი და ხშირად არასწორად გაგებული ორგანიზებული დანაშაულის კოჰორტის ინოვაციური და ჩამთრევი ანალიზით, წიგნი ეხმაურება თანამედროვე დებატებს ე.წ. ბნელი ქსელების (როგორიცაა ორგანიზებული დანაშაულის ჯგუფები და ტერორისტული ქსელები) სიძლიერის გაგებაში. ის ტესტავს თეორიებს თუ როგორ და რატომ შეიძლება მოხდეს წარმატება ამგვარი ორგანიზაციების გამოწვევისას.

Slade, G. (2014). Reorganizing Crime: Mafia and Anti-mafia in Post-Soviet Georgia. Oxford University Press.

ხელმისაწვდომია Amazon.com-ზე; რეცენზია (Perry Sherouse, Central Asian Survey) (Mark Galeoti, Global Crime)

Filed in: წიგნები და რეცენზიები, პოლიტიკა, საზოგადოება Tags: , , ,

You might like:

Svante Cornell – The South Caucasus: A Regional Overview and Conflict Assessment Svante Cornell – The South Caucasus: A Regional Overview and Conflict Assessment
Christoph H. Stefes – Understanding Post-Soviet Transitions: Corruption, Collusion and Clientelism Christoph H. Stefes – Understanding Post-Soviet Transitions: Corruption, Collusion and Clientelism
სამხრეთი კავკასია გზაჯვარედინზე: რთული რეალობა და დიდი მოლოდინები სამხრეთი კავკასია გზაჯვარედინზე: რთული რეალობა და დიდი მოლოდინები
Martin Frederiksen – Young Men, Time, and Boredom in the Republic of Georgia Martin Frederiksen – Young Men, Time, and Boredom in the Republic of Georgia
© 2019 Georgica. All rights reserved. XHTML / CSS Valid.
Proudly designed by Theme Junkie.