ტეგების არქივი: ალექსანდრე კუხიანიძე

Stephen F. Jones (ed.) – War and Revolution in the Caucasus: Georgia Ablaze

სამხრეთ კავკასია ტრადიციულად იყო მოდავე იმპერიათა სათამაშო მოედანი. ევროპის კიდეზე მდებარე ეს რეგიონი დასავლურ გონებებში დაკავშირებულია ეთნიკურ კონფლიქტებთან და 2008 წლის აგვისტოს გეოპოლიტიკურ ბრძოლებთან. კიდევ ერთი ომი წარმოიშვა ამ შორეულ ევროპულ პერიფერიაზე, როდესაც რუსეთი და საქართველო ერთმანეთს შეეჯახნენ სამხრეთ ოსეთის სეცენიონისტურ ტერიტორიაზე. ომს ჰქონდა გლობალური გამოძახილი, რომელმაც კულმინაციას მიაღწია ერთი მხრივ რუსეთს, მეორე მხრივ ევროპასა და აშშ-ის შორის დაძაბულობების გაღრმავებაში. ომის მიზეზებსა და შედეგებზე სპეკულაცია ფოკუსირდებოდა დიდი ძალების მეტოქეობაზე და ახალ დიდ თამაშზე, ნავთობის მილსადენის მარშრუტებზე და რუსეთის იმპერიულ მისწრაფებებზე.

ეს წიგნი იღებს განსხვავებულ მიდგომას, რომელიც ფოკუსირდება 2008 წლის აგვისტოს ომის საშინაო საფუძვლებზე. ამ კრებულში ავტორები კოლექტიურად წარმოადგენენ ომის ახალ მრავალგანზომილებიან კონტექსტს. ისინი აანალიზებენ რეგიონში ნაციონალურ უმცირესობებს შორის ისტორიულ ურთიერთობებს, აღწერენ კავშირს დემოკრატიულ განვითარებას, სახელმწიფოს-მშენებლობას, ომს შორის, და იკვლევენ  ლიდერობისა და საჯარო აზრის როლს. ხშირად გამარტივებული გეოპოლიტიკური ახსნების მიღმა მუშაობისას, ავტორები აძლევენ ეროვნულ უმცირესობებს და თავად ქართველებს ხმას, რომელიც უმეტესად დავიწყებულია დასავლელი ანალიტიკოსების მიერ.

ეს წიგნი დაფუძნებულია Central Asian Survey-ის საგანგებო გამოცემაზე.

Jones, S. F. (Ed.) (2011). War and Revolution in the Caucasus: Georgia Ablaze. London: Routledge

ხელმისაწვდომია Amazon.com-ზე

Stephen F. Jones (ed.) – The Making of Modern Georgia, 1918-2012. The First Georgian Republic and its Successor

როდესაც უმეტესი აღმოსავლეთ ევროპა ერთი ან მეორე სახის დიქტატურას ებრძოდა, საქართველოს დემოკრატიულმა რესპუბლიკამ (1918-1921) შექმნა კონსტიტუცია, პარლამენტური სისტემა ეროვნული არჩევნებით, აქტიური ოპოზიცია და თავისუფალი პრესა. 1918 წელს საქართველოს დემოკრატიული რესპუბლიკის მსგავსად, მისი მემკვიდრეებიც 1991 წელს უუნარო იმპერიიდან წარმოიშვნენ და კვლავ დაუდგათ ახლიდან ახალი ეკონომიკური, პოლიტიკური და სოციალუსი სისტემის წარმოშობის საკითხი. 1918 და 1991 წლებში, საქართველო დაუპირისპირდა მტრულად განწყობილ რუსეთს და მიჰყვა პრო-დასავლურ და პრო-დემოკრატიულ კურსს. ამ წიგნში წამყვანი რეგიონული ექსპერტები იკვლევენ საშინაო და საგარეო პარალელებს ადრეული მეოცე და ოცდამეერთე საუკუნის ქართულ პოსტ-კოლონიურ მთავრობებს შორის. როგორ იმოქმედეს ორივე ეპოქის გამოუცდელმა ქართველმა ლიდერებმა სეცესიონიზმის პრობლემისას, რა იყო მათი სახელმწიფოს მშენებლობის სტრატეგიები და რას ნიშნავდა მათთვის დემოკრატია? როგორ გამოიყურებოდა მათი საარჩევნო სისტემები, რატომ იყო მათი ეკონომიკური სტრატეგიები ასე განსხვავებული და როგორ უმკლავდებოდნენ სამეზობლო საფრთხეებს. ეს არის უმთავრესი გამოწვევები, რომელსაც დღეს მსოფლიოში ტრანზიციულ ხელისუფლებებს უდგათ. ას წელზე მეტი ხნის საქართველოს გამოცდილება ამტკიცებს, რომ ისტორია და თანამედროვე პოლიტიკური ანალიზი გვაძლევს ყველაზე წინააღმდეგობრივი შედეგების საუკეთესო (და ყველაზე საინტერესო) ახსნას.

Jones, S. F. (2014). The Making of Modern Georgia, 1918-2012: The First Georgian Republic and Its Successors. Routledge.

ნახეთ books.google.com-ზე